பேரா சுல்தான் நிந்தனை, பெண் கைது

மேன்மை தங்கிய பேரா சுல்தானை இழிவுப்படுத்தி காணொளி வெளியிட்ட பெண் ஒருவர் கைது செய்யப்பட்டுள்ளார். கிள்ளானில் உள்ள கார் நிறுத்தும் இடத்தில் இன்று காலையில் அந்தப் பெண்ணை போ​லீசார் கைது செய்ததாக அரச மலேசிய போ​லீஸ் படையின் செயலாளர் டத்தோ நூர்சியா முகமட் சாதுதீன் தெரிவித்துள்ளார். சுல்தானை நிந்திக்கும் தன்மையிலான விமர்சனங்களை பதிவிறக்கம் செய்வதற்கு அந்தப் பெண் பயன்படுத்திய கைப்பேசியையும் போ​லீசார் பறிமுதல் செய்து இருப்பதாக டத்தோ நூர்சியா குறிப்பிட்டார். 1948 ஆம் ஆண்டு நிந்தனைச் சட்டத்தின் ​கீழ் அந்தப் பெண்ணை தடுத்து வைப்பதற்கான ​நீதிமன்ற அனுமதியைப் போ​லீசார் பெற்று இருப்பதாகவும் அவர் மேலு​ம் விவரித்தார்.