முட்டை விலை 3 காசு குறைக்கப்பட்டாலும், 55 விழுக்காடு ஏற்றம் கண்டுள்ள டீசல் விலைக்கு ஈடு செய்ய இயலாது என்று மசீச. தெரிவித்துள்ளது.
அரசாங்கத்தின் நிறைய கொள்கைகள், விரிவாக பரிசீலிக்கப்படாமலேயே அமல்படுத்தப்படுகின்றன. இதன் காரணமாக அதன் விளைவை மக்கள் சுமக்க வேண்டிய நிர்பந்தத்திற்கு ஆளாகின்றனர் என்று மசீச உதவித் தலைவர் வீ ஜாக் செங் தெரிவித்தார்.
இது போன்ற செயல்களினால் வாழ்க்கைச் செலவினம் உயர்வு கண்டு, மக்கள் பெரும் நெருக்குதலுக்கு உந்தப்படுகின்றனர். இதன் விளைவு, பொருளாதார வளர்ச்சிக்கு முட்டுக்கட்டையாக வாங்கும் சக்தியும் குறைகிறது என்று வீ ஜாக் செங் குறிப்பிட்டுள்ளார்.
