வாகனங்களின் பதிவு எண் வரிசையில் பிரத்தியேகமாக வெளியிடப்பட்ட GOLD 1 என்ற வாகன பதிவு எண்ணை, டெண்டர் மூலம் பெறுவதில் மாமன்னர் சுல்தான் இப்ராஹிம் சுல்தான் இஸ்கந்தார் வெற்றி பெற்றுள்ளார்.
அந்த சிறப்பு வாகன பதிவு எண்ணை 15 லட்சம் வெள்ளி மதிப்பில் மாமன்னர் பெற்றுள்ளார். அந்த சிறப்பு எண்ணுக்கு அதிக விலை கொடுக்கப்பட்ட வாகன பதிவு எண்ணாக வகைப்படுத்தப்பட்டுள்ளது.
1974 ஆம் ஆண்டு நாட்டின் தனி மாநிலமாக உருவெடுத்த கூட்டரசு பிரதேசத்தின் இவ்வாண்டு பொன்விழாவை முன்னிட்டு GOLD பதிவு எண் வரிசையில் இந்த சிறப்பு எண்கள் வெளியிடப்பட்டதாக போக்குவரத்து அமைச்சர் அந்தோணி லோக் அறிவித்து இருந்தார்.
மாமன்னர் பெற்ற அந்த சிறப்பு எண் பட்டையை, அவரிடம் போக்குவரத்து அமைச்சர் அந்தோணி லோக் ஒப்படைத்த கட்சியை கொண்ட புகைப்படம் மாமன்னரின் அதிகாரப்பூர்வ முகநூலில் இன்று வெளியிடப்பட்டுள்ளது.
