Nov 21, 2026
Thisaigal NewsYouTube

சிலாங்கூரில் இஸ்லாம் அல்லாத வழிபாட்டுத் தலங்களுக்கு விதிக்கப்பட்டுள்ள புதிய நிபந்தனைகள் / மீண்டும் ஆலோசனை நடத்த பெர்சாமா வலியுறுத்து

திசைகள் செய்திப்பிரிவு
Share:
சிலாங்கூரில் இஸ்லாம் அல்லாத வழிபாட்டுத் தலங்களுக்கு விதிக்கப்பட்டுள்ள புதிய நிபந்தனைகள் / மீண்டும் ஆலோசனை நடத்த பெர்சாமா வலியுறுத்து

சிலாங்கூர் மாநிலத்தில் அமல்படுத்தப்பட்டுள்ள பிறசமய வழிபாட்டுத் தலங்களை அமைப்பதற்கான புதிய வழிகாட்டு நெறிமுறைகளை அம்மாநில அரசாங்கம் திரும்பப் பெற்றுக் கொண்டு, சமய அமைப்புகள் மற்றும் அதனுடன் தொடர்புடைய மற்ற தரப்புகளுடன் மீண்டும் ஆலோசனை நடத்த வேண்டும் என்று பெர்சாமா கட்சி இன்று வலியுறுத்தியுள்ளது.

முன்னாள் அமைச்சர்களான டத்தோஸ்ரீ ரபிசி ரம்லி மற்றும் நிக் நஸ்மி நிக் அஹ்மத் ஆகியோர் தலைமையிலான பெர்சமா கட்சி, அண்மையில் இந்த வழிகாட்டுதல கட்டுப்பாடுகள் குறித்த கவலையை வெளியிட்ட பெட்டாலிங் ஜெயா நாடாளுமன்ற உறுப்பினர் லீ சியான் சுங்-இன் கருத்திற்கு ஆதரவு தெரிவித்துள்ளது.

சிலாங்கூர் மாநில அரசாங்கத்தால் அங்கீகரிக்கப்பட்டுள்ள புதிய நெறிமுறைகளானது, அம்மாநிலத்தில் வசிக்கும் பல புத்த மதத்தினர், கிறிஸ்தவர்கள், இந்துக்கள், சீக்கியர்கள் மற்றும் பிற சமயங்களைப் பின்பற்றுவோரிடையே கவலையை ஏற்படுத்தியுள்ளதாக பெர்சாமா குறிப்பிட்டுள்ளது.

கடந்த ஆண்டு நவம்பர் மாதம், சிலாங்கூர் மாநில ஆட்சிக்குழுவால், அங்கீகரிக்கப்பட்ட இந்த வழிகாட்டுதல்களில், வணிகப் பகுதிகளில் இஸ்லாம் அல்லாத வழிபாட்டுத் தலங்களை அமைப்பதற்கான கட்டுப்பாடுகள், கட்டிட உயர வரம்புகள், முக்கிய சாலைகளுக்கான அணுகலைக் கட்டுப்படுத்தும் நிபந்தனைகள் மற்றும் 5,000 குடியிருப்பாளர்களுக்கு ஒரு வழிபாட்டுத் தலம் மட்டுமே இருக்க வேண்டும் என்ற நிபந்தனை ஆகியவை இடம்பெற்றுள்ளதாக பெர்சாமா தெரிவித்துள்ளது.

இந்த விதிமுறைகள் சமய சமூகங்களின் தேவைகள் மற்றும் சமய சுதந்திரத்தின் நடைமுறை அம்சங்களை பாதிக்கக்கூடும் என்பதால், அவை குறித்து மீளாய்வு செய்து சம்பந்தப்பட்ட தரப்புகளுடன் விரிவான ஆலோசனை நடத்த வேண்டும் என்றும் அக்கட்சி வலியுறுத்தியுள்ளது.

மேலும், வழிபாட்டுத் தலங்கள் தொடர்பான விதிமுறைகள் மிகவும் உணர்வுப்பூர்வமானது என்பதால், அவை வெறும் நிர்வாக ரீதியான முடிவெடுக்கும் செயல்முறையின் மூலம் உருவாக்கப்படாமல், பரந்த அளவிலான பொதுமக்களின் பங்கேற்புடன் உருவாக்கப்பட வேண்டும் என்றும் பெர்சாமா தெரிவித்துள்ளது.

இந்த செய்தியை பகிருங்கள்

Share this story with your friends and family

தொடர்புடைய செய்திகள்/ Related News

View all in தற்போதைய செய்திகள் →
பினாங்கில் அழியும் நிலையில் பாபா நியோன்யா பாரம்பரியம் - முதலமைச்சர் சாவ் கோன் இயோவ் கவலை

பினாங்கில் அழியும் நிலையில் பாபா நியோன்யா பாரம்பரியம் - முதலமைச்சர் சாவ் கோன் இயோவ் கவலை

கோலா கங்சாரில் 15 வயது மாணவர் மரணம்: முழுமையான விசாரணை நடத்த சிபிஎஸ்எம் வலியுறுத்தல்

கோலா கங்சாரில் 15 வயது மாணவர் மரணம்: முழுமையான விசாரணை நடத்த சிபிஎஸ்எம் வலியுறுத்தல்

புக்கிட் தாகாரில் விபத்து: வடிகால் நீர் சுழலில் சிக்கி இரு தொழிலாளர்கள் பலி

புக்கிட் தாகாரில் விபத்து: வடிகால் நீர் சுழலில் சிக்கி இரு தொழிலாளர்கள் பலி

சிறார்கள் மத்தியில் அதிகரிக்கும் மனநலப் பாதிப்பு, இளவயது கர்ப்பம்: வான் அஸிஸா கவலை

சிறார்கள் மத்தியில் அதிகரிக்கும் மனநலப் பாதிப்பு, இளவயது கர்ப்பம்: வான் அஸிஸா கவலை

நெகிரி செம்பிலான் அரசியல்  நெருக்கடிக்கு முடிவு: கட்சித் தலைமையின் உத்தரவுகளைப் பின்பற்ற உறுப்பினர்கள் ஒப்புதல்

நெகிரி செம்பிலான் அரசியல் நெருக்கடிக்கு முடிவு: கட்சித் தலைமையின் உத்தரவுகளைப் பின்பற்ற உறுப்பினர்கள் ஒப்புதல்

சிலாங்கூர் வெள்ள பாதிப்பு அதிகரிப்பு: பேராக் உள்ளிட்ட மற்ற மாநிலங்களில் குறைந்து வருகின்றது

சிலாங்கூர் வெள்ள பாதிப்பு அதிகரிப்பு: பேராக் உள்ளிட்ட மற்ற மாநிலங்களில் குறைந்து வருகின்றது