சிரம்பான், ஜூலை 05-
சிரம்பான், சுங்கை காடுட் , தாமான் தூங்கு ஜாபர் பகுதியில் அருள்பாலித்து வரும் அருள்மிகு ஸ்ரீ மஹா இராஜராஜேஸ்வரர் ஆலயத்தின் வருடாந்திர பிரம்மோற்சவ திருவிழா, வரும் ஜுலை 7 ஆம் தேதி ஞாயிற்றுக்கிழமை வெகுவிமரிசையாக கொண்டாடப்படுகிறது.
ஆலயத்தின் இந்த வருடாந்திர திருவிழாவையொட்டி முன்னிட்டு கடந்த ஜுன் 27 ஆம் தேதி முதல் வரும் ஜுலை 9 ஆம் தேதி வரை சிறப்பு பூஜைகள் தொடர்ந்து நடைபெற்று வருகின்றன.
நேற்று சுதன்கிழமை நத்திய பெருமாள் திருவிழா வெகு விமரிசையாக நடைபெற்றது. இன்று வியாழக்கிழமை புட்டு திருவிழா நடைபெற்ற வேளையில் நாளை ஜுலை 5 ஆம் தேதி வெள்ளிக்கிழமை வில்வ திருவிழா நடைபெறவிருக்கிறது.
அனைத்து பூஜைகளும் திருக்கயிலாய பரம்பரை ஸ்ரீ கந்தப்பரம்பரை சூரியனார் கோயில் ஆதின ஸ்ரீ கார்யம் வாமதேவ ஸ்ரீமத் சிவாக்கர தேசிக சுவாமிகளின் ஆலோசனையின்படி நடைபெற்று வருகிறது.
அருள்மிகு ஸ்ரீ மஹா இராஜராஜேஸ்வரர் ஆலயத்தின் வருடாந்திர திருவிழாவையொட்டி நடைபெறும் கணபதி வேள்வி வழிபாடு, அனைத்து சுவாமிகளுக்கும் சிறப்பு அபிஷேம் மற்றும் யாகசாலை பூஜைகள் அனைத்திலும் பக்தர்கள் கலந்து கொண்டு எல்லாம் வல்ல அம்மையப்பர் திருவருளை பெற்று இன்புறுமாறு ஆலய நிர்வாகத்தினர் கேட்டுக்கொள்கின்றனர்
