கெடா மாநிலம், கோலா மூடா பகுதியில் பயன்படுத்தப்படாத துணிக்கிடங்கை மறைவிடமாகப் பயன்படுத்தி, மானிய விலை சமையல் எண்ணெயைப் பதுக்கி வைத்திருந்ததை உள்நாட்டு வாணிபம் மற்றும் வாழ்க்கைச் செலவின அமைச்சான கேபிடிஎன் அதிகாரிகள் கண்டறிந்துள்ளனர்.
கெமுனிங் தொழில்துறைப் பகுதியில் நடத்தப்பட்ட சோதனையில், உரிய அனுமதியின்றி சேமித்து வைக்கப்பட்டிருந்த 3,383 பொதிகள் சமையல் எண்ணெயைப் பறிமுதல் செய்துள்ளனர்.
அவற்றின் மொத்த மதிப்பு 8 ஆயிரத்து 457.50 என மதிப்பிடப்பட்டுள்ளதாக, கெடா மாநில கேபிடிஎன் தலைமை இயக்குநர் நிஸாம் பின் ஜமாலுடின் தெரிவித்துள்ளார்.
இந்தச் சம்பவம் தொடர்பாக, சம்பவ இடத்தில் இருந்த இரண்டு ஆடவர்களை கைது செய்து, அதிகாரிகள் விசாரணை நடத்தி வருகின்றனர்.
இதனிடையே இந்த வழக்கு 1961ஆம் ஆண்டு விநியோகக் கட்டுப்பாட்டுச் சட்டத்தின் கீழ் விசாரிக்கப்பட்டு வருகின்றது.
இந்நிலையில் குற்றம் நிரூபிக்கப்பட்டால், சம்பந்தப்பட்டவர்களுக்கு கடுமையான அபராதம் அல்லது சிறைத்தண்டனை விதிக்கப்படலாம்.
