பினாங்கு மாநிலத்தில், உடல் முழுவதும் தீக்காயங்களுடன் பாதிக்கப்பட்ட இந்தோனேசியப் பெண்ணைத் துன்புறுத்தியதாகச் சந்தேகத்தின் பேரில் 6 ஆடவர்களைப் போலீசார் கைது செய்துள்ளனர்.
கைது செய்யப்பட்டவர்களில் அந்தப் பெண்ணின் முதலாளியும் ஒருவர் எனத் தெரிவிக்கப்பட்டுள்ளது.
இது குறித்து செபராங் பிறை உத்தாரா மாவட்ட போலீஸ் தலைவர் அனுவார் அப்துல் ரஹ்மான் கூறுகையில், நேற்று பட்டர்வொர்த் பகுதியில் உள்ள டயர் கடையில் நடத்தப்பட்ட சோதனையின் போது 6 பேரும் கைது செய்யப்பட்டதாகத் தெரிவித்துள்ளார்.
மேலும், அப்பெண், கடந்த அக்டோபர் 16-ஆம் தேதி சிலாங்கூர் மாநிலம், தஞ்சோங் செப்பாட் அருகே உள்ள கம்போங் தும்புக் பகுதியில் தனது முதலாளியால் துன்புறுத்தப்பட்டதாகக் கூறப்படுகின்றது.
இந்தச் சம்பவம் தொடர்பாக போலீசார் தொடர்ந்து விசாரணை நடத்தி வருகின்றனர்.
