ஆகஸ்ட் 12 ஆம் தேதி கோலத்திரெங்கானு தேர்தல்

கடந்த 15 ஆவது பொதுத் தேர்தலில் பாஸ் கட்சி வெற்றி பெற்ற கோலத்திரெங்கானு நாடாளுமன்றத் தொகுதி தேர்தல் முடிவை தேர்தல் நீதிமன்றம் ரத்து செய்ததைத் தொடர்ந்து அத்தொகுதியின் இடைத் தேர்தல் வரும் ஆகஸ்ட் 12 ஆம் தேதி நடைபெறும் என்று தேர்தல் ஆணையமான எஸ்பிஆர் அறிவித்துள்ளது. கிளந்தான், திரெங்கானு உட்பட 6 மாநிலங்களுக்கான சட்டமன்றத் தேர்தல் நடைபெறும் அதே தேதியில் கோலத்திரெங்கானு நாடாளுமன்றத் தொகுதி இடைத் தேர்தலும் நடைபெறும் என்று எஸ்பிஆர் தலைவர் தான் ஶ்ரீ அப்துல் கானி சாலெஹ் தெரிவித்துள்ளார்.

அந்த ஆறு மாநிலங்களுக்கான வேட்மனுத்தாக்கல் நடைபெறும் ஜுலை 29 ஆம் தேதி கோலத்திரெங்கானு நாடாளுமன்றத் தொகுதி வேட்புமனுத்தாக்கலும் நடைபெறும் என்று அவர் தெரிவித்துள்ளார்.

கோலத்திரெங்கானு நாடாளுமன்றத் தேர்தலில் வாக்காளரகளுக்கு பணம் கொடுக்கப்பட்டதாக குற்றஞ்சாட்டப்பட்டு வழக்கு தொடுக்கப்பட்டதில் அத்தேர்தல் முடிவை கடந்த ஜுன் 27 ஆம் தேதி கோலத்திரெங்கானு தேர்தல் நீதிமன்றம் ரத்து செய்வதாக தீர்ப்பு அளித்தது.