ஆறு மாணவர்கள் அமர்ந்திருந்த காரை, எடுத்துக்கொண்டு தப்பிச் செல்ல முயற்சி செய்த நபரை போலீசார் வளைத்துப் பிடித்தனர். இந்த சம்பவம் நேற்று மாலையில் சபா, ரானாவ், குன்டங்சாங் - னில் நிகழ்ந்தது. மாணவர்களுடன் நிறுத்தப்பட்டு இருந்த காரை எடுத்துக்கொண்டு அந்த நபர் மின்னல் வேகத்தில் தப்பிச் சென்றதை பொதுமக்கள், போலீசாருக்கு தகவல் கொடுத்ததுடன், அவர்களும் தங்கள் வாகனங்களில் அந்த காரை விரட்டிச் சென்றதாக குண்டங்சாங் மாவட்ட போலீஸ் தலைவர் சிமியும் லொமடின் தெரிவித்தார்.
இச்சம்பவம் குறித்து அனைத்து ரோந்துப் கார் போலீஸ்காரர்களுக்கு தகவல் அளிக்கப்பட்டது. பின்னர் அந்த ப்ரொத்தோன் பெர்சோனா காரை போலீசார் அடையாளம் கண்டனர்.
ஹைலாக் வாகனத்தில் சென்ற போலீஸ் ரோந்து கார், அந்த காரை வழிமறித்ததுடன், காரின் இருக்கையில் அமர்ந்து இருந்த அந்த நபரை வளைத்துப்பிடித்தனர். மிகுந்த பதற்றத்துடன் காணப்பட்ட மாணவர்களை போலீசார் காரிலிருந்து பாதுகாப்பாக மீட்டனர்.
