Nov 21, 2026
Thisaigal NewsYouTube

முன்னாள் எஸ்எஸ்எம் துணை தலைமைச் செயலதிகாரி மீது லஞ்ச ஊழல் குற்றச்சாட்டு

திசைகள் செய்திப்பிரிவு
Share:
முன்னாள் எஸ்எஸ்எம் துணை தலைமைச் செயலதிகாரி மீது லஞ்ச ஊழல் குற்றச்சாட்டு

கடந்த எட்டு ஆண்டுகளுக்கு முன்பு 50,000 ரிங்கிட் தொகையை லஞ்சமாகப் பெற்றதாகக் கூறப்படும் குற்றச்சாட்டில், மலேசிய நிறுவனங்கள் ஆணையத்தின் முன்னாள் துணைத் தலைமைச் செயல் அதிகாரி, கோலாலம்பூர் அமர்வு நீதிமன்றத்தில் இன்று தான் குற்றமற்றவர் எனத் தெரிவித்துள்ளார்.

முன்னாள் பெர்சத்து கட்சியின் பொதுச்செயலாளர் ஹம்சா சைனுடினின் மகன் பைசல் ஹம்சாவிடமிருந்து, அவர் அப்பணத்தைப் பெற்றதாகக் கூறி இவ்வழக்கு தொடரப்பட்டுள்ளது.

குசைரி யாயா என்ற அந்த அதிகாரி, பைசல் ஹம்சாவிடமிருந்து எந்தவிதப் பிரதிபலனும் இல்லாமல் அப்பணத்தைப் பெற்றதாகக் குற்றம்சாட்டப்பட்டுள்ளது. மேலும், பைசல் ஹம்சா ஒரு பொது ஊழியராக இருக்கும் நிலையில், அவரோடு அதிகாரப்பூர்வத் தொடர்புகள் இருப்பது தெரிந்திருந்தும் கூட, குசைரி அப்பணத்தைப் பெற்றதாகக் குற்றச்சாட்டில் கூறப்பட்டுள்ளது.

குற்றவியல் சட்டத்தின் 165-வது பிரிவின் கீழ் பதிவு செய்யப்பட்டுள்ள இந்தக் குற்றச்சாட்டு, கடந்த 2018-ஆம் ஆண்டு, மே மாதத்தில், கோலாலம்பூர் சென்ட்ரல் பகுதியில் உள்ள ஸ்டேசன் சாலை 5-ல் அமைந்துள்ள மலேசிய நிறுவனங்கள் ஆணையத் தலைமையகத்தில் நடந்ததாகக் கூறப்படுகிறது.

இந்தக் குற்றச்சாட்டை எதிர்கொண்ட குசைரி யாயா, அமர்வு நீதிமன்றத்தில் இன்று தனது குற்றத்தை மறுத்து தன்னை நிரபராதி எனத் தெரிவித்துள்ளார். குசைரி குற்றவாளி என நிரூபிக்கப்பட்டால், அவருக்கு அதிகபட்சம் இரண்டு ஆண்டுகள் சிறைத் தண்டனையோ அல்லது அபராதமோ அல்லது இரண்டும் சேர்த்தோ விதிக்கப்படலாம்.

இந்த வழக்கை விசாரித்த நீதிபதி சுசானா ஹுசின், 15,000 ரிங்கிட் பிணைத் தொகையை ஓர் உத்தரவாதத்துடன் வழங்க அனுமதி அளித்தார். மேலும், வழக்கு முடியும் வரை அவரது கடப்பிதழை நீதிமன்றத்தில் ஒப்படைக்கவும் உத்தரவிட்டார்.

இந்த வழக்கின் அடுத்த விசாரணையானது வரும் ஏப்ரல் 20-ஆம் தேதி நடைபெறவுள்ளது.

இந்த செய்தியை பகிருங்கள்

Share this story with your friends and family

தொடர்புடைய செய்திகள்/ Related News

View all in தற்போதைய செய்திகள் →
2027-ஆம் ஆண்டில் குறைந்த செலவில் மருத்துவக் காப்பீடு: பொருளாதார அமைச்சு புதிய திட்டம்

2027-ஆம் ஆண்டில் குறைந்த செலவில் மருத்துவக் காப்பீடு: பொருளாதார அமைச்சு புதிய திட்டம்

700 கிலோ போதைப்பொருள் கடத்தல் முறியடிப்பு - கிளந்தான் போலீஸ் பாராட்டு

700 கிலோ போதைப்பொருள் கடத்தல் முறியடிப்பு - கிளந்தான் போலீஸ் பாராட்டு

பதவி விலகல் கடித விவகாரம்: நெகிரி செம்பிலான் மந்திரி பெசாரிடமிருந்து போலீசுக்கு இன்னும் புகார் கிடைக்கவில்லை

பதவி விலகல் கடித விவகாரம்: நெகிரி செம்பிலான் மந்திரி பெசாரிடமிருந்து போலீசுக்கு இன்னும் புகார் கிடைக்கவில்லை

டாக்டர் சரவணா பதவி விலகினாலும் சேவைகள் தொடரும்: சுல்தானா அமினா மருத்துவமனை இயக்குநர் தகவல்

டாக்டர் சரவணா பதவி விலகினாலும் சேவைகள் தொடரும்: சுல்தானா அமினா மருத்துவமனை இயக்குநர் தகவல்

கோலாலம்பூரில் பட்டப்பகலில் கேபிள் திருட்டு; சமூக ஊடகங்களில் வைரலான அதிர்ச்சி வீடியோ

கோலாலம்பூரில் பட்டப்பகலில் கேபிள் திருட்டு; சமூக ஊடகங்களில் வைரலான அதிர்ச்சி வீடியோ

ஆபத்தான கெளுத்தி மீன்களைப் பிடிக்க 4 லட்சத்து 50,000 நிதி ஒதுக்கிய பகாங் அரசு

ஆபத்தான கெளுத்தி மீன்களைப் பிடிக்க 4 லட்சத்து 50,000 நிதி ஒதுக்கிய பகாங் அரசு