புத்ராஜெயா, ஜூன்.25-
மத்திய ஆசிய நாடான Kyrgyz குடியரசின் அதிபர் Sadyr Zhaparow, மலேசியாவிற்கு அதிகாரத்துவ வருகை மேற்கொண்டுள்ளார். வட உஸ்பெகிஸ்தான் அருகில் வீற்றிருக்கும் நாடான Kyrgyz குடியரசு, முன்பு Kyrgyzstan என்ற பெயரில் விளங்கிய நாடாகும்.
Kyrgyz குடியரசின் அதிபர் Sadyr Zhaparow-வின் வருகையையொட்டி புத்ராஜெயா, பெர்டானா புத்ராவில் அவருக்கு மகத்தான வரவேற்பு நல்கப்பட்டது. அதிபர் Sadyr Zhaparow-வை பிரதமர் டத்தோஸ்ரீ அன்வார் இப்ராஹிம் எதிர்கொண்டு வரவேற்றார்.
Kyrgyz குடியரசுக்கும் மலேசியாவுக்கும் இடையில் வர்த்தகம், பொருளாதாரம், கலாச்சாரம், மனிதநேயம் மற்றும் பரஸ்பரம் தொடர்புள்ள பிற துறைகளில் ஒத்துழைப்பை மேலும் வலுப்படுத்துவதற்கு இரு நாடுகளும் உறுதி பூண்டுள்ளன.
