மாசி மக உபயக்காரர்களின் மண்டலாபிசேகப் பூசை

கோலாலம்பூர், ஜாலான் துன் எச்.எஸ். லீ யில் வீற்றிருக்கும் நாட்டின் தாய்க்கோயிலான ஸ்ரீ மகா மாரியம்மன் கோயிலில் நாளை ஜுலை 16 ஆம் தேதி ஞாயிற்றுக்கிழமை ஸ்ரீ மகா மாரியம்மன் கோயில் மாசி மக உபயக்காரர்களின் மண்டலாபிசேகப் பூசை சிறப்பாக நடைபெறவிருக்கிறது. கடந்த மாதம் 25 ஆம் தேதி நடை​பெற்ற ஸ்ரீ மகாமாரியம்மன் கோயிலின் 7 ஆவது மகா கும்பாபி​ஷேகத்தையொட்டி தற்போது மண்டலாபிசேகப் பூசை நடைபெற்று வருகிறது.

அவ்வகையில் நாளை ஞாயிற்றுக்​கிழமை மாலை 3.30 மணிக்கு அபிசேகம்,
மாலை 6.00 மணிக்கு நித்திய பூசை, அதனை தொடர்ந்து மாலை 7.00 மணிக்கு நாதஸ்வரக் கச்சேரி மற்றும் நடன நிகழ்சிகள் நடைபெறும்.

இரவு 8.00 மணிக்கு விசேச பூசையினைத் தொடர்ந்து அம்மன் திருவீதியுலா வலம் வருதல். விசேட தீபாராதனையைத் தொடர்ந்து பிரசாதம் மற்றும் காளாஞ்சி வழங்குதல் நிகழ்வு நடைபெறும்.
உபயப் பிரதிநிதிகள் கோலாலம்பூர் ஸ்ரீ மகாமாரியம்மன் கோயில் தேவஸ்தானத் தலைவரும், உபய நாட்டாண்மையுமான டான்ஸ்ரீ டத்தோ டாக்டர் ஆர்.நடராஜா, உபய பிரதிநிதி டத்தோ டி.ராஜ்குமார் மற்றும் உபயப் பிரதிநிதி டத்தோ, கு.செல்வராஜு ஆகியோர் முன்னி​லையில் நடைபெறும் மாசி மக உபயக்காரர்களின் மண்டலாபிசேகப் பூசையில் அனைவரும் குடும்ப சமேதரராய் தவறாது கலந்து கொண்டு அம்பாளின் அருள் பெற அழைப்பு ​விடுக்கப்பட்டுள்ளது.