நாட்டின் முன்னாள் மேல்முறையீட்டு நீதிமன்ற நீதிபதி மஹாதேவ் ஷங்கர், இன்று அதிகாலை 2 மணிக்கு ஷா ஆலாம் மருத்துவமனையில் காலமானார். அவருக்கு வயது 94.
1950-களில் வழக்கறிஞராகப் பணியைத் தொடங்கிய அவர், 1983-ஆம் ஆண்டு உயர் நீதிமன்ற நீதிபதியாக நியமிக்கப்பட்டார். 1994-ஆம் ஆண்டு மேல்முறையீட்டு நீதிமன்றத்துக்கு உயர்த்தப்பட்ட அவர், 1997-ஆம் ஆண்டு நீதிபதி பணியிலிருந்து ஓய்வு பெற்றார்.
மலேசிய நீதித்துறைக்கும், மனித உரிமை மேம்பாட்டுக்கும் அவர் ஆற்றிய பங்களிப்புகள் குறிப்பிடத்தக்கவை என மலேசியா–இந்தியா மரபுடைமைச் சங்கத் தலைவர் என். பிரபாகரன் தெரிவித்துள்ளார். அவரது இறுதிச்சடங்கு குறித்த விவரங்கள் பின்னர் அறிவிக்கப்படும் என்றும் அவர் கூறினார்.
