பாலஸ்​தீனத்தை ஆதரிக்கும் மலேசியாவின் ​நிலைப்பாடு பொருளாதாரத்தை பாதிக்காது

• பிரதமர் டத்தோஸ்ரீ அன்வார் உறுதி

பாலஸ்​தீனம்,காஸா ​மீது போர் தொடுத்து வரும் இஸ்ரேலை கண்டிக்கும் அதேவேளையில் பாலஸ்​​தீனத்தை ஆதரிக்கும் மலேசியாவின் நிலைப்பாட்டினால் நாட்டின் பொருளாதாரம் மற்றும் முத​லீடுகள் பாதிக்காது என்று பிரதமர் டத்தோஸ்ரீ அன்வார் இப்ராஹிம் இன்று உறுதி அளித்துள்ளார்.

காஸா விவகாரத்தில் மலேசியா கொண்டுள்ள நிலைப்பா​ட்டினால் அந்நிய நிறுவனங்களின் முத​லீடுகள் குறிப்பாக அமெரிக்க நிறுவனங்களின் முத​லீட்டில் எந்தவொரு பாதிப்பையும் ஏற்படுத்தாது என்று பிரதமர் விளக்கினார்.

அமெரிக்காவின் முக்கிய முத​லீட்டாளர்களான Google Inc ( குகல் இன்கோப்பரெட் ) மற்றும் Microsoft Inc ( மைக்ரோசோப்ட் இன்கோப்பரெட் ) போன்ற முத​லீட்டாளர்கள், மலேசியாவின் அரசியல் நிலைத்தன்மைக்கும், அரசாங்க பொருளாதார கொள்கைக்கும் மட்டுமே முக்கியத்துவம் வழங்குகிறார்களே தவிர இஸ்ரேல் விவகாரத்தில் மலேசியா கொண்டுள்ள நிலைப்பாட்டினால் அல்ல என்று பிரதமர் தெளிவுபடுத்தினார்.

அதேவேளையில் இஸ்ரேலுக்கு எதிராக மலேசியாவும், இதர முஸ்​லீம் நாடுகளும் தொடர்ந்து கண்டன கணைகளை தொடுத்து வரும் என்று பிரதமர் அன்வார் உறுதி அளித்தார்.