நாட்டில் புகைமூட்ட நிலை ஒரே இரவில் மேலும் மோசமடைந்துள்ளது.
இன்று காலை 10 மணி நிலவரப்படி, குறிப்பாக தெற்கு மற்றும் மத்திய தீபகற்பப் பகுதிகளில் 33 இடங்களில் ஆரோக்கியமற்ற காற்றுத் தரம் பதிவாகியுள்ளது.
சிலாங்கூரில் உள்ள ஜோஹான் செத்தியா பகுதியில் காற்று மாசு குறியீடு 191 ஆக பதிவாகி, நாட்டிலேயே அதிகபட்ச அளவை எட்டியது.
இதைத் தொடர்ந்து கோலாலம்பூரின் செராஸ் மற்றும் நெகிரி செம்பிலானின் நீலாய் ஆகிய பகுதிகளில் தலா 189 என்ற அளவில் ஏபிஐ பதிவானது.
அதேவேளையில், ஜோகூர் மாநிலமும் மோசமாக பாதிக்கப்பட்ட பகுதிகளில் ஒன்றாக உள்ளது.
பத்து பஹாட்டில் 188, செகாமட்டில் 177, பாசீர் கூடாங்கில் 174, தங்காக்கில் 169, லார்கினில் 167, பெங்கெராங்கில் 165, கோத்தா திங்கியில் 164 மற்றும் குளுவாங்கில் 161 என்ற அளவில் ஆரோக்கியமற்ற காற்றுத் தரம் பதிவாகியுள்ளது.
மேலும், நெகிரி செம்பிலான், மலாக்கா, பேராக், திரெங்காணு, சபா, சரவாக் ஆகிய மாநிலங்களிலும் காற்றின் தரம் ஆரோக்கியமற்ற நிலையிலேயே பதிவாகியுள்ளதாகத் தகவல்கள் கூறுகின்றன.
