தற்போது மழைக் காலமாக இருப்பதால், காய்கறிகள், மீன்கள் ஆகியவற்றின் விலை அதிகரிக்காமல் இருப்பதை ஜோகூர் மாநில அரசு உறுதி செய்யும் என ஜோகூர் மாநில வேளாண்மை, புறநகர் மேம்பாட்டுக்கான ஆட்சிக்குழு உறுப்பினர் டத்தோ சஹாரி சரிப் தெரிவித்தார்.
மக்களை பாதிக்கும் விலைவாசியைக் கட்டுப்படுத்த பல்வேறு நடவடிக்கைகளை ஜோகூர் மாநில அரசு முன்னெடுத்து வருகிறது. இக்கடுமையானக் காலக் கட்டத்தில் போதுமான காய்கறிகளும் மீன்களும் சந்தையில் இருப்பதை உறுதி செய்வதால், விலை அதிகரிப்பைக் கட்டுப்படுத்த முடியும் என்றார் அவர்.
இது வரையில், சந்தையில் பற்றாக்குறை நிலவி வருவதாக எந்தவிதமான புகாரும் கிடைக்கப்பெற வில்லை. முன்கூட்டியே நடவடிக்கை எடுக்கப்படுவதால், எந்த சிக்கலும் ஏற்பட வாய்ப்பு மிகக் குறைவு என்றார் அவர்.
