நீரில் மூழ்கி மாது மரணம், ஒருவர் காணவில்லை

கோலகுபுபாரு,பெர்த்தாக் ​நீர்வீழ்ச்சிப் பகுதியில் குளித்துக்கொண்டு இருந்த போது ​​சீன நாட்டை சேர்ந்த இரு பெண்கள் ​நீரில் மூழ்கி மாண்டனர். இச்சம்பவம் பூர்வகுடி கிராமத்திற்கு அருகில் நேற்று மாலை 5.30 மணியளவில் நிகழ்ந்து.
55 வயது ஸியா யூஹான் லிங் அவரின் தோழியான 52 வயது ஜென்னி வோங் ஆகியோரே இச்சம்பவத்தில் மாண்டதாக ​​தீயணைப்​பு, மீட்புப்படையினர் அடையாளம் கூறினர். 55 வயது மாதுவின் உடல், சம்பவ இடத்திலிருந்து 200 மீட்டர் தொலைவில் பாறைகளில் இடுக்குகளில் செருகிக்கிடந்த வேளையில் 52 வயதுடைய மற்றொரு மாதுவின் உடல் இரவு 10.20 மணியளவில் கண்டு பிடிக்கப்பட்டதாக சிலா​ங்கூர் மாநில ​தீயணைப்பு, மீட்புப்படை இயக்குநர் வான் முஹமாட்வான் இஸ்மாயில் தெரிவித்துள்ளார்.
இந்த இரு ​சீனப் பெண்களும் நேற்று மாலையில் அந்த ​நீர்வீழ்ச்சியில் குளித்துக்கொண்டு இருந்த போது கனத்த மழையின் காரணமாக மலைமுகட்டிலிருந்து பாய்ந்த ​நீரின் வேகம் ​​திடீரென்று அதிகரித்தைத் தொடர்ந்து அவ்விரு பெண்களும் ​நீரில் அடித்துச் செல்லப்பட்டனர்.
இருவரின் சடலங்களும் போ​லீசாரிடம் ஒப்படைக்கப்பட்டு, சவப்பரிசோதனைக்காக கோலகுபு பாரு மருத்துவமனைக்கு கொண்டு செல்லப்பட்டதாக வான் முஹமாட்வான் இஸ்மாயில் ​மேலும் விவரித்தார்.