ஒட்டுமொத்த அமைச்சரவையே மாற்றப்பட வேண்டும்

ஒற்றுமை அரசாங்கத்தின் அமைச்சரவை சிறப்பாக இல்லை. ஒட்டுமொத்த அமைச்சரவையே மாற்றி அமைக்கப்பட வேண்டும் என்று முன்னாள் பிரதமர் துன் டாக்டர் மகாதீர் முகமது கேட்டுக்கொண்டார்.

நாட்டை நல்ல முறையில் வழிநடத்துவதற்கு தங்கள் திறனை வெளிப்படுத்தக்கூடிய ஆற்றல் வாய்ந்தவர்களை கொண்டு ஒரு புதிய அமைச்சரவை அமைக்கப்பட வேண்டும் என்று துன் மகாதீர் வலியுறுத்தினார்.

எனினும் அமைச்சரவையில் இருந்து களையெடுக்கப்பட வேண்டிய உறுப்பினர்களின் பெயர்களை துன் மகாதீர் வெளியிட மறுத்து விட்டார். ஒட்டுமொத்த அமைச்சரவையே மாற்றி அமைக்கப்பட வேண்டும் என்பதே தமது விருப்பமாகும் என்று துன் மகாதீர் தெரிவித்துள்ளார்.