முன்னாள் பிரதமர் துன் டாக்டர் மஹாதீர் முகமது , அவரது மனைவி டாக்டர் சித்தி ஹாஸ்மா ஆகியோர் தங்களின் நீண்ட ஆயுள் மற்றும் சேவைகளுக்காக மூன்று சாதனைகளைப் படைத்து வரலாறு படைத்துள்ளனர்.
நேற்று பெர்டானா தலைமைத்துவ அறக்கட்டளையில் நடைபெற்ற இந்நிகழ்ச்சியில், ஆசியான் வட்டாரத்தில் வாழ்ந்து வரும் வயது முதிர்ந்த முன்னாள் பிரதமராக மஹாதீரையும், வயது முதிர்ந்த முன்னாள் பிரதமரின் மனைவியாக ஹஸ்மாவையும் ஆசியான் ரெக்கார்ட்ஸ் அங்கீகரித்தது.
மேலும், மகாதீர் முன்னாள் அரசாங்கத் தலைவர் என்ற முறையில் அவரும் அவரது மனைவி இருவரும் 100 வயதை எட்டிய முதல் தம்பதி என்ற சாதனையையும் ஆசியான் ரெக்கார்ட்ஸ் இணைந்து வழங்கியது.
இச்சாதனைகள், கடந்த ஜூலை மாதம் மஹாதீர்-இன் 101ஆவது பிறந்தநாள், சித்தி ஹாஸ்மா-வின் 100-ஆவது பிறந்தநாள், அதன் தொடர்ச்சியாக கடந்த ஆகஸ்ட் 5-ஆம் தேதி அவர்களின் 70-ஆவது திருமண ஆண்டு ஆகிய முக்கிய நிகழ்ச்சிகளை முன்னிட்டு வழங்கப்பட்டுள்ளன.
ஆசியான் ரெக்கார்ட்ஸ் ஆலோசனைக் குழுத் தலைவர் டேனி ஓய், தலைமை மதிப்பீட்டாளர்களான கிலியன் ஓய் மற்றும் எல்ட்ரிக் கோ ஆகியோருடன் இணைந்து இந்தச் சாதனைச் சான்றுகளை வழங்கினார்.
