ஈப்போ ஜாலான் லக்ஸமானாவில் உள்ள சென்ரல் மார்கெட் கட்டடத்திலிருந்து விழுந்த 29 வயது உள்ளூர் ஆடவர் ஒருவர் சம்பவ இடத்திலேயே உயிரிழந்தார்.
ஈப்போ மாவட்ட போலீஸ் தலைவர் உதவி ஆணையர் முஹம்மட் நஜிப் ஹம்சா கூறுகையில், இன்று காலை 9.25 மணியளவில் இந்தச் சம்பவம் குறித்து போலீசாருக்குத் தகவல் கிடைத்தது என்றார்.
சம்பவ இடத்திலேயே உயிரிழந்ததாக உறுதிசெய்யப்பட்ட அவரது உடல், காலை 10.30 மணியளவில் பிரேதப் பரிசோதனைக்காக ஈப்போ, ராஜா பெர்மைசூரி பைனுன் மருத்துவமனையின் தடயவியல் பிரிவுக்குக் கொண்டு செல்லப்பட்டது.
இந்தச் சம்பவம் தொடர்பான தகவல் தெரிந்தவர்கள் ஈப்போ மாவட்ட போலீஸ் தலைமையகத்தின் செயல்பாட்டு அறையுடன் தொடர்பு கொள்ளலாம் அல்லது அருகிலுள்ள போலீஸ் நிலையத்துக்குச் செல்லலாம் என்று அவர் வலியுறுத்தியுள்ளார்.
