Nov 20, 2026
Thisaigal NewsYouTube

மோண்ட் கியாரா போக்குவரத்து நெரிசலுக்கு தீர்வு - 40 மீட்டர் சாலை திறப்பு!

திசைகள் செய்திப்பிரிவு
Share:
மோண்ட் கியாரா போக்குவரத்து நெரிசலுக்கு தீர்வு - 40 மீட்டர் சாலை திறப்பு!

மோண்ட் கியாரா பகுதியில் வெறும் 40 மீட்டர் நீளமுள்ள புதிய இருவழிச் சாலை திறக்கப்பட்டுள்ளது. இதன் மூலம் ஜாலான் டூத்தா கியாரா மற்றும் ஜாலான் கியாரா 3 ஆகியவை நேரடியாக இணைக்கப்பட்டு, சொலாரிஸ் டூத்தாமாஸ், செகாம்பூட் மற்றும் சுற்றுப்புற பகுதிகளுக்குச் செல்லும் வாகனங்களுக்கு மாற்று வழி கிடைத்துள்ளது.

3 மில்லியன் ரிங்கிட் செலவில் அமைக்கப்பட்டுள்ள இந்தச் சாலை, போன் எஸ்டேட்ஸ் (Bon Estates) நிறுவனத்தின் சமூகப் பொறுப்புத் திட்டத்தின் கீழ் முழுமையாக அந்நிறுவனத்தின் நிதியுதவியால் கட்டப்பட்டுள்ளது.

அதிக அளவில் கட்டிடங்கள் அமைந்துள்ள இப்பகுதியில் நீண்ட தூரம் சுற்றிச் செல்ல வேண்டிய நிலையை இந்தப் புதிய சாலை குறைக்கும் என எதிர்பார்க்கப்படுகிறது.

முன்னதாக ஜாலான் டூத்தா கியாரா சாலை முட்டுச்சாலையாக இருந்ததால், புக்கிட் பெலாங்கி மற்றும் சொலாரிஸ் இடையே பயணிக்கும் வாகனங்கள் நீண்ட தூரம் சுற்றிச் செல்ல வேண்டியிருந்ததாக பிரதமர் துறையின் கூட்டரசுப் பிரதேச அமைச்சர் ஹான்னா இயோ தெரிவித்துள்ளார்.

இந்தப் புதிய இணைப்பு மூலம் வாகனங்கள் இடது அல்லது வலதுபுறம் திரும்பிச் செல்ல முடியும் என்றும், எதிர்புறத்திலிருந்து வரும் வாகனங்களும் நேரடியாகக் கடந்து செல்ல முடியும் என்றும் அவர் குறிப்பிட்டார்.

இதனால் அப்பகுதி மக்களின் பயண நேரமும் போக்குவரத்து சிரமமும் பெரிதும் குறையும் என எதிர்பார்க்கப்படுகிறது.

இந்த செய்தியை பகிருங்கள்

Share this story with your friends and family

தொடர்புடைய செய்திகள்/ Related News

View all in தற்போதைய செய்திகள் →