கோலாலம்பூர், மார்ச்.02-
வங்சா மாஜூ பஸாரியாவில் கோலாலம்பூர் மாநகர் மன்றத்தின் அமலாக்க நடவடிக்கையின் போது பல சட்டவிரோத கடைகளை மூடியுள்ளது. ஓபெராசி கெசாக் மூலம் மேற்கொள்ளப்பட்ட சோதனையில், உரிமம் இல்லாத ஆறு கடைகள், தெரு வியாபாரிகளுக்கு அபராதம் விதிக்கப்பட்டது. மலேசிய குடிநுழைவுத் துறை 35 வெளிநாட்டினரைக் கைது செய்தது.
சோதனை நடவடிக்கையின் போது, 12 வெளிநாட்டு வணிகர்களுக்கு எதிராக அமலாக்க நடவடிக்கை எடுக்கப்பட்டது, மேலும் வெளிநாட்டினரால் நடத்தப்படும் இரண்டு உணவு டிரக்குகள் இழுத்துச் செல்லப்பட்டன. முறையான ஆவணங்கள் இல்லாத அல்லது அவர்களின் பணி அனுமதிகளை தவறாகப் பயன்படுத்திய மியான்மர் நாட்டைச் சேர்ந்த ஒருவரும் 34 இந்தோனேசிய குடிமக்களும் கைது செய்யப்பட்டனர். இந்த நடவடிக்கை DBKL ஆல் மலேசியக் காவல் துறை, மலேசியக் குடிநுழைவுத் துறை, உள்நாட்டு வர்த்தகம், வாழ்க்கைச் செலவின அமைச்சு ஆகியவற்றுடன் இணைந்து மேற்கொள்ளப்பட்டது.
