Nov 20, 2026
Thisaigal NewsYouTube

போக்குவரத்து துறையில் மலேசியா – சீனா புதிய ஒப்பந்தம்: செயற்கை நுண்ணறிவு உள்ளிட்ட புதிய தொழில்நுட்பங்களைப் பயன்படுத்த திட்டம்

திசைகள் செய்திப்பிரிவு
Share:
போக்குவரத்து துறையில் மலேசியா – சீனா புதிய ஒப்பந்தம்: செயற்கை நுண்ணறிவு உள்ளிட்ட புதிய தொழில்நுட்பங்களைப் பயன்படுத்த திட்டம்

மலேசியா மற்றும் சீனா இடையிலான போக்குவரத்துத் துறை உறவில் புதிய அத்தியாயம் தொடங்கியுள்ளது.

தரைவழி, இரயில், கடல்வழி, விமானப் போக்குவரத்து மற்றும் தளவாடத் துறைகளில் ஒத்துழைப்பை வலுப்படுத்தும் புரிந்துணர்வு ஒப்பந்தம் இரு நாடுகளுக்கும் இடையே கையெழுத்தாகியுள்ளது.

இந்த ஒப்பந்தத்தில் குறிப்பாக தொழில்நுட்ப நிபுணத்துவப் பரிமாற்றம், திறன் மேம்பாடு, செயற்கை நுண்ணறிவு பயன்பாடு, பசுமை போக்குவரத்து மற்றும் குறைந்த கார்பன் உள்கட்டமைப்பு மேம்பாடு ஆகியவை இடம் பெற்றுள்ளன.

பெய்ஜிங்கில் நடைபெற்ற சந்திப்பின் போது மலேசிய போக்குவரத்து அமைச்சர் அந்தோணி லோக் மற்றும் சீன போக்குவரத்து அமைச்சர் லியூ வே ஆகியோர் இந்த ஒப்பந்தத்தில் கையெழுத்திட்டனர்.

இந்த ஒத்துழைப்பு மலேசியாவின் கொள்கை வடிவமைப்பு திறனை வலுப்படுத்தி, விநியோகச் சங்கிலி செயல்திறனை மேம்படுத்துவதுடன், சீன தொழில்நுட்ப முதலீடுகளை ஈர்க்கவும் உதவும் என்று போக்குவரத்து அமைச்சு தெரிவித்துள்ளது.

இதனுடன், மலேசியா மற்றும் சீனாவின் உள்நாட்டு விமானப் போக்குவரத்து அதிகாரிகளுக்கிடையிலும் விமானப் பாதுகாப்பு தொடர்பான தனி புரிந்துணர்வு ஒப்பந்தம் கையெழுத்தானது.

இது விமானப் பாதுகாப்புத் தரங்களை உயர்த்தி, தொழில்நுட்ப நடைமுறைகளில் மீளுருவாக்கத்தை குறைத்து, விமான சேவைகள் மற்றும் உற்பத்திப் பொருட்களின் பரிமாற்றத்தை எளிதாக்கும் என கூறப்பட்டுள்ளது.

மேலும், சீன தேசிய ரயில்வே நிர்வாக அதிகாரிகளுடன் நடைபெற்ற பேச்சுவார்த்தையில் ரயில்வே வளர்ச்சி, பாதுகாப்பு, திறன் மேம்பாடு மற்றும் தொழில்நுட்ப பயன்பாடு குறித்து விவாதிக்கப்பட்டது. இந்தப் பயணம், மலேசியா–சீனா உறவை மேலும் வலுப்படுத்தி, போக்குவரத்து துறையில் பரஸ்பர நன்மை பயக்கும் நடைமுறை ஒத்துழைப்பை மேம்படுத்தும் முயற்சியாகக் கருதப்படுகின்றது.

இந்த செய்தியை பகிருங்கள்

Share this story with your friends and family

தொடர்புடைய செய்திகள்/ Related News

View all in தற்போதைய செய்திகள் →