Nov 21, 2026
Thisaigal NewsYouTube

எரிபொருள் விலை 10 சென் குறைகிறது: நாளை முதல் புதிய விலை அமல்

திசைகள் செய்திப்பிரிவு
Share:
எரிபொருள் விலை 10 சென் குறைகிறது: நாளை முதல் புதிய விலை அமல்

நாட்டில் நாளை ஜுலை 1 ஆம் தேதியிலிருந்து பெட்ரோல் ஆர்.ஓ.என்97, மானியமில்லாத ஆர்.ஓ.என்95 மற்றும் தீபகற்ப மலேசியாவிற்கான டீசல் ஆகியவற்றின் விலைகள் லிட்டருக்கு 10 சென் குறைக்கப்படுவதாக நிதியமைச்சு அறிவித்துள்ளது.

புதிய விலையின்படி, ஆர்.ஓ.என்97 லிட்டருக்கு 4 ரிங்கிட், மானியமில்லாத ஆர்.ஓ.என்95, லிட்டருக்கு 3 ரிங்கிட் 37 சென், தீபகற்ப மலேசிய டீசல் விலை லிட்டருக்கு 3 ரிங்கிட் 97 சென் என்று நிர்ணயிக்கப்பட்டுள்ளது.

இந்த புதிய விலைகள் வரும் ஜூலை 8-ஆம் தேதி வரை அமலில் இருக்கும். அதேவேளையில், பூடி95 திட்டத்தின் கீழ் மானிய விலையில் ஆர்.ஓ.என்95 பெட்ரோல், லிட்டருக்கு 1 ரிங்கிட் 99 சென் ஆகவும், பூடி டீசல் திட்டத்தின் கீழ் டீசல் விலை லிட்டருக்கு 2 ரிங்கிட் 10 சென் ஆகவும் எவ்வித மாற்றமுமின்றி தொடர்ந்து நீடிக்கும் என நிதியமைச்சு குறிப்பிட்டுள்ளது.

உலகளாவிய விநியோக நிச்சயமற்ற நிலையிலும், நாட்டின் எரிபொருள் இருப்பைப் பாதுகாக்கப் பொதுமக்கள் தங்களின் பயணங்களை முறையாகத் திட்டமிடுமாறு நிதி அமைச்சு கேட்டுக்கொண்டுள்ளது.

இந்த செய்தியை பகிருங்கள்

Share this story with your friends and family

தொடர்புடைய செய்திகள்/ Related News

View all in தற்போதைய செய்திகள் →