மலேசிய ஊழல் தடுப்பு ஆணையமான எஸ்பிஆர்எம்மின் தரவுத்தளங்கள் மற்றும் தகவல்களைப் பாதுகாப்பதற்காக, தினமும் சராசரியாக 80 ஆயிரம் முதல் 90 ஆயிரம் வரையிலான சைபர் தாக்குதல் முயற்சிகள் முறியடிக்கப்படுகின்றன.
எஸ்பிஆர்எம் தகவல் மற்றும் பதிவுகள் நிர்வாகப் பிரிவு இயக்குநர் ஸுஹைரி அபு பாக்கார் இதனைத் தெரிவித்துள்ளார். எஸ்பிஆர்எம் கையாளும் தகவல்கள் அதிக மதிப்புமிக்கவை என்பதால், அவை தொடர்ந்து பல்வேறு இணையப் பாதுகாப்பு அச்சுறுத்தல்களுக்கு உள்ளாகி வருவதாகவும் அவர் குறிப்பிட்டார்.
சைபர் தாக்குதல்கள் மட்டுமின்றி, அனுமதியின்றித் தகவல்களை அணுகுதல் மற்றும் தரவுகளைத் திருடுதல் போன்ற ஆபத்துகளும் நிலவுகின்றன. இதனைத் தடுக்க, பலகட்டப் பாதுகாப்பு முறைகள், நிகழ்நேரக் கண்காணிப்பு மற்றும் தரவு மறையாக்கம் உள்ளிட்ட தொழில்நுட்பங்கள் பயன்படுத்தப்படுகின்றன.
விசாரணைத் தகவல்கள் முன்கூட்டியே கசிந்தால், ஆவணங்கள் அழிக்கப்படவும், பரிவர்த்தனைப் பதிவுகள் மாற்றப்படவும், சாட்சிகளின் பாதுகாப்பு பாதிக்கப்படவும் வாய்ப்புள்ளதாக அவர் எச்சரித்தார்.
