Johor, Batu Pahat, Tanjung Segenting, தென் மேற்கு 6.8 கடல் மைல் தொலைவில் படகு ஒன்று கவிழ்ந்து நால்வர் காணாமல் போன சம்பவத்தை தொடர்ந்து, மேலும் ஒருவரின் உடல் மீட்கப்பட்டுள்ளது.
இன்று காலை 11.30 மணியளவில் 63 வயது Tan Hai Lian - னின் உடல் ஒரு பாறையின் மீது பொது மக்களால் கண்டெடுக்கப்பட்டுள்ளது.
பாதிக்கப்பட்ட அப்பெரியவரின் உடல் சவப்பரிசோதனைக்காக Sultanah Nora Ismail மருத்துவமனைக்கு கொண்டு செல்லப்பட்டது.
முன்னதாக, நேற்று இரவு 53 வயது Chiah Kah Chong - கின் உடல் நீரில் மூழ்கிய நிலையில் கண்டறியப்பட்டதாக Maritim Malaysia - வின் Batu Pahat மண்டலத்திற்கான இயக்குநர் Komander Mohd Haniff Mohd Yunus கூறியிருந்தார்.
இதில் மேலும் இருவர் தேடப்பட்டு வருவதாக தெரியவந்துள்ளது.
