மலாக்காவின் பாரம்பரிய டொண்டாங் சாயாங் கலைக்கு ஏறக்குறைய 50 ஆண்டுகள் அர்ப்பணித்த டத்தோ முஹமட் பாஹாரிம் முஹமட் ஷாரிப், 84 வயதில் உடல்நலக்குறைவால் படுத்த படுக்கையாகியுள்ளார்.
கம்போங் பெர்தாம் உலுவில் உள்ள வீட்டில் வசிக்கும் அவர், ஒரு காலத்தில் வயலின் வாசித்து, பாடி, கவிதை வடிவிலான பந்துன் போட்டிகளில் பங்கேற்று வந்தவர்.
டொண்டாங் சாயாங் கலைஞராக மட்டுமின்றி, பாடலாசிரியர் மற்றும் பந்துன் படைப்பாளராகவும் அறியப்படும் அவர், இதுவரை 2,000-க்கும் மேற்பட்ட பந்துன்களை உருவாக்கியுள்ளார்.
அவருக்கு தேசிய வாழும் பாரம்பரிய கலைஞர் விருதும், போ கேமெரோனியன் வாழ்நாள் சாதனையாளர் விருதும் வழங்கப்பட்டுள்ளன.
கடந்த நான்கு மாதங்களாக அவரது உடல்நிலை மோசமடைந்த நிலையில், தற்போது சாப்பிடவும் குடிக்கவும் கூட மற்றவர்களின் உதவி தேவைப்படுவதாக அவரது மகள் ஜுனைதா தெரிவித்துள்ளார்.
ஓர் ஆண்டுக்கு முன்பு, டத்தோ ஶ்ரீ சித்தி நூர்ஹாலிஸா உள்ளிட்ட முன்னணி கலைஞர்களுடன் இணைந்து மலாக்கா நகரில் அவர் தனது இறுதி நிகழ்ச்சியில் பங்கேற்றார்.
