கோம்பாக், ஜாலான் பத்து கேவ்ஸ், தாமான் கிரீன்வூட் - டில் மலேசிய போலீஸ் படை (PDRM) பேருந்து 'U' - டர்ன் செய்யும் போது வீரா ரக வாகனம் ஒன்று மோதியது.
டிசம்பர் 6 ஆம் தேதி, மதியம் 2:30 மணியளவில் நடந்த இச்சம்பவத்தை குறித்து, நேற்று டிக் டோக்கில் 10 நிமிட வீடியோ ஒன்று பரவலாகி வருவதன் வழி கண்டறியப்பட்டதாக கோம்பாக் மாவட்ட காவல்துறை தலைவர் நோர் அரிஃபின் முஹமாட் நசிர் தெரிவித்தார்.
அந்த காணொளியில் பிடிஆர்எம் பேருந்து சமிஞ்சை விளக்கில் நின்று 'U' - டர்ன் செய்யும் போது வாகனம் ஒன்று அதன் மீது மோதியதாக தெரியவந்தது.
வீரா ரக ஓட்டுநர் விசாரணைக்கு ஒத்துழைக்கும்படியும் இச்சம்பவத்தை குறித்து யாருக்காவது தகவல் தெரிந்தால் காவல்துறையை தொடர்பு கொள்ளுமாறும் நோர் அரிஃபின் கேட்டு கொண்டார்.
