கடுமையான போக்குவரத்துக் குற்றங்களில் குற்றவாளிகளாகத் தீர்ப்பளிக்கப்பட்ட வாகன ஓட்டுநர்கள், சாலை விபத்துகளில் பாதிக்கப்பட்டவர்களுக்கும் அவர்களின் குடும்பத்தினருக்கும் இழப்பீடு வழங்கத் தவறினால், அவர்களின் சொத்துகளைப் பறிமுதல் செய்வது குறித்து அரசாங்கம் பரிசீலித்து வருகிறது.
குற்றவாளிகளிடம் இழப்பீடு வழங்கப் போதிய பணவசதி இல்லாத சூழலில், பாதிக்கப்பட்ட குடும்பங்களுக்கு இழப்பீடு கிடைப்பதை உறுதி செய்ய இந்த நடவடிக்கை ஆராயப்படுவதாகப் போக்குவரத்து அமைச்சர் அந்தோணி லோக் தெரிவித்தார்.
மேலும், இழப்பீடு வழங்கத் தவறுவோருக்கு அதிக அபராதம் விதிப்பது அல்லது சிறைத்தண்டனை வழங்குவது குறித்தும் அரசாங்கம் ஆராய்ந்து வருவதாக அவர் மக்களவையில் கூறினார்.
எனினும், இந்த இழப்பீட்டு நடைமுறை எவ்வாறு செயல்படுத்தப்படும் என்பது குறித்து இன்னும் இறுதி முடிவு எடுக்கப்படவில்லை என்பதையும் அந்தோணி லோக் விளக்கினார்.
