சரவாக், கூச்சிங்கைச் சேர்ந்த 33 வயது மருத்துவமனை நிர்வாகி ஒருவர், தமது வங்கிக் கணக்கில் திடீரென 1,000 மில்லியன் ரிங்கிட் இருப்பதைக் கண்டு அதிர்ச்சியடைந்தார். சில நிமிடங்களுக்கு முன்பு அவரது கணக்கில் ஆயிரம் ரிங்கிட்டுக்கும் குறைவான தொகையே இருந்தது.
பரிவர்த்தனை செய்யத் தயாரானபோது இந்தத் தொகையைக் கண்ட Wan Muhammad Fairus என்ற அந்த மருத்துவமனை நிர்வாகி, வங்கிச் செயலியிலிருந்து வெளியேறி மீண்டும் உள்நுழைந்தும் அதே தொகை காட்டப்பட்டதால் அதிர்ச்சியில் உறைந்தார். பின்னர், வங்கியைத் தொடர்பு கொண்டபோது தொழில்நுட்பக் கோளாறு ஏற்பட்டிருப்பது தெரியவந்தது.
இதையடுத்து, அவரது கணக்கு தற்காலிகமாக முடக்கப்பட்டு, தவறாகக் காட்டப்பட்ட தொகை வங்கியால் திருத்தப்பட்டது. அவரது உண்மையான வைப்புத் தொகை பாதிக்கப்படவில்லை. மேலும், இந்தச் சம்பவத்துக்காக வெகுமதி வழங்க வங்கி விரும்புவதாகத் தெரிவித்திருந்தாலும், இதுவரை தமக்கு எதுவும் கிடைக்கவில்லை என்று அவர் கூறினார்.
