பகாங் மாநிலம், அடுத்த 2027ஆம் ஆண்டில் 1.507 பில்லியன் ரிங்கிட் வருவாயை ஈட்ட இலக்கு நிர்ணயித்துள்ளது. இதன் மூலம் 5 மில்லியன் ரிங்கிட் உபரி வருவாயைப் பதிவு செய்யவும் திட்டமிடப்பட்டுள்ளது.
மாநில மந்திரி பெசார் வான் ரோஸ்டி வான் இஸ்மாயில், 2027ஆம் ஆண்டுக்கான மாநில வரவு செலவுத் திட்டத்தைத் தாக்கல் செய்தபோது இதனை அறிவித்தார்.
இதில், பல்வேறு மேம்பாட்டுத் திட்டங்களுக்காக 454.4 மில்லியன் ரிங்கிட் ஒதுக்கப்பட்டுள்ளது.
மேலும், சாலைகள் மற்றும் அடிப்படை வசதிகளை மேம்படுத்த 252.1 மில்லியன் ரிங்கிட்டும், வெள்ளத் தடுப்பு மற்றும் கடலோர அரிப்பைத் தடுக்கும் திட்டங்களுக்கு 19.5 மில்லியன் ரிங்கிட்டும் ஒதுக்கப்பட்டுள்ளது.
தகுதியுள்ள பகாங் மக்களுக்கு வீட்டு வாடகை முன்பண உதவியாக 2 மில்லியன் ரிங்கிட் ஒதுக்கீடும் அறிவிக்கப்பட்டுள்ளது.
இதற்கிடையில், மாநிலத்தின் கடன் தொகை 3.3 பில்லியன் ரிங்கிட்டிலிருந்து 825 மில்லியன் ரிங்கிட்டாகக் குறைக்கப்பட்டுள்ளதாகவும் வான் ரோஸ்டி தெரிவித்துள்ளார்.








