மஞ்சோங், ஏப்ரல்.27-
உயர்கல்வி நிறுவனங்கள் தங்கள் பாடத் திட்டங்களைத் தீர்மானிக்க தனியுரிமை பெற்றுள்ளன என்று உயர்கல்வி அமைச்சர் ஸம்ரி அப்துல் காடீர் தெரிவித்துள்ளார். மலேசிய தகுதி முகமையான MQA வழங்கப்படும் எந்தவொரு பாடத்திட்டமும் தரநிலைகளை பூர்த்தி செய்வதை மட்டுமே உறுதி செய்கிறது. அனைத்து பொது அல்லது தனியார் பல்கலைக்கழகங்களும் உயர்கல்வி அமைச்சு அல்லது MQA நிர்ணயித்துள்ளதை பின்பற்ற வேண்டியதில்லை. ஏனெனில் எது சரி அல்லது தவறு என்று கூறுவது அவர்களின் வேலை அல்ல என்று அவர் கூறினார்.
முன்னாள் துணை அமைச்சர் சைப்ஃடின் அப்துல்லா, பல்கலைக்கழகங்களுக்கு அதிக தனியுரிமை வழங்கவும், அதிகாரத்துவத் தடைகளைக் குறைக்கவும் கோரிக்கை விடுத்திருந்தார். இருப்பினும், பல்கலைக்கழகங்களுக்கு தனியுரிமை வழங்கப்படவில்லை என்ற கருத்து தவறானது என்று ஸம்ரி கூறினார். பொது பல்கலைக்கழகங்கள் தரமான கல்வியை வழங்குவதை உறுதிப்படுத்த ஒழுங்குமுறை அவசியம் என்றும் அவர் குறிப்பிட்டார்.
