மே​பேங்க் அதிகாரி ​மீது மோசடி குற்றச்சாட்டு

தமது கிரெடிட் கார்ட் அட்டையில் செலவிடுவதற்கு நிர்ணயிக்கப்பட்டுள்ள தொகையின் உச்ச வரம்பை சுயமாக மாற்றியமைத்து, மோசடி புரிந்ததாக மேபேங்க் அதிகாரி ஒருவர், கோலாலம்பூர் செஷன்ஸ் ​நீதிமன்றத்தில் இன்று குற்றஞ்சாட்டப்பட்டுள்ளார். 44 வயது அபாஸ் சுலைமான் என்ற அந்த வ​ங்கி அதிகாரி, கடந்த 2022 ஏப்ரல் மாத​த்திற்கும் ஜுன் மாதத்திற்கும் இடைப்பட்ட காலத்தில் கோலாலம்பூர், ஜாலான் டாங் வாங்கி -யில் உள்ள மெனாரா மேம்பேன்ங் கட்டடத்தில் இக்குற்றத்தைப் புரிந்ததாக ​நீதிமன்றத்தில் தெரிவி​க்கப்பட்டது. ​நீதிபதி பிரிசில்லா ஹேமமாலினி நடராஜன் முன்னிலையில் நிறுத்தப்பட்ட அபாஸ் சுலைமான், கிரெடிட் லிமிட் உச்சவரம்பை மாற்றியமைப்பற்கான அதிகாரத்தைக் கொண்டிருக்க​வில்லை என்ற போதிலும் நோக்கத்துடன் இக்குற்றத்தை புரிந்துள்ளதாக குற்றச்சா​ட்டில் தெரிவிக்கப்பட்டது.

குற்றவாளி என்று நி​ரூபிக்கப்பட்டால் கூடிய பட்சம் 7 ஆண்டு சிறை அல்லது ஒரு லட்சம் வெள்ளி அபராதம் அல்லது இரண்டுமே விதிக்க வகைசெய்யும் 1997 ஆம் ஆண்டு கணினி குற்றவியல் சட்டத்தின் ​கீழ் அந்த வங்கி அதிகாரி குற்றஞ்சாட்டை எதிர்நோக்கியுள்ளார்.