பெல்டா நிறுவனத்தில் தடயவியல் தணிக்கை நடத்துவது தொடர்பான முன்மொழிவு, அமைச்சரவையில் பரிசீலனைக்கு கொண்டு வரப்படும் என பிரதமர் டத்தோ ஸ்ரீ அன்வார் இப்ராகிம் தெரிவித்துள்ளார்.
மலேசிய புத்ரா பல்கலைக்கழகம்-தில் நடைபெற்ற தேசிய மௌலிதுர் ரசூல் விழா நிகழ்ச்சிக்குப் பின்னர் செய்தியாளர்களிடம் பேசிய அன்வார், இந்த விவகாரம் அடுத்த அமைச்சரவைக் கூட்டத்தில் விவாதிக்கப்படும் என்றும் குறிப்பிட்டுள்ளார்.
பெல்டா -வில் அதிகார துஷ்பிரயோகம் மற்றும் நிர்வாகத் தோல்விகள் உள்ளிட்ட பல்வேறு குற்றச்சாட்டுகள் குறித்து விசாரணை நடத்த தடயவியல் தணிக்கை மேற்கொள்ள வேண்டும் என துணைப் பிரதமர் டத்தோ ஸ்ரீ அஹமத் ஜாஹித் ஹமிதி கடந்த ஞாயிற்றுக்கிழமை கோரிக்கை விடுத்திருந்தார்.
அதேவேளையில், பெல்டா எதிர்கொண்டுள்ள இழப்புகளுக்கான காரணத்தையும், அதற்கு பொறுப்பானவர்களையும் விசாரணை தெளிவாக அடையாளம் காண வேண்டும் என்றும் சாஹிட் வலியுறுத்தியுள்ளார்.
மேலும், பெல்டா தொடர்பாக அரச விசாரணை ஆணையம் அமைப்பதை ஆதரிப்பதாகவும் அவர் தெரிவித்துள்ளார்.
இதற்கிடையில், நிர்வாக முறைகேடுகள் மற்றும் அதிகப்படியான அரசியல் தலையீடு காரணமாக பெல்டா-வுக்கு கிட்டத்தட்ட 10 பில்லியன் ரிங்கிட் இழப்பு ஏற்பட்டுள்ளதாக அன்வார் முன்னதாக தெரிவித்திருந்தார்.
அதேவேளையில், பெல்டா தொடர்பாக சிறப்பு பணிக்குழு தயாரித்த அறிக்கையும், அதன் கண்டுபிடிப்புகளும் விரைவில் பொதுமக்களுக்கு வெளியிடப்படும் என்றும் அவர் உறுதியளித்துள்ளார்.
