சிலாங்கூர் ராஜா மூடாவின் தனிப்பட்ட பாதுகாவலர் என கூறிக் கொண்டு ஆள்மாறாட்டம் செய்த அல் ஸுல்ஃபட்லி அலியாஸ் என்ற நபர், வாகன ஏல விற்பனை மோசடி தொடர்பான புதிய குற்றச்சாட்டை ஒப்புக் கொண்டுள்ளார்.
40 வயதான அல் ஸுல்ஃபட்லி அலியாஸ் மற்றும் 37 வயதான நூருல் நூர் ஷாஹிரா கமாருடின் ஆகிய இருவரும் இணைந்து, ஏலத்தின் மூலம் 40 ஆயிரம் ரிங்கிட்டுக்கு Lexus RX350 ரக காரை வாங்கித் தருவதாகக் கூறி பெண் ஒருவரை ஏமாற்றியதாகக் குற்றம் சாட்டப்பட்டனர்.
கடந்த ஏப்ரல் 13 மற்றும் 14ஆம் தேதிகளில் கிள்ளான், தாமான் ஸ்ரீ அண்டலாஸ் பகுதியில் இக்குற்றத்தை புரிந்ததாக தெரிவிக்கப்பட்டது.
நீதிமன்றத்தில் அல் ஸுல்ஃபட்லி குற்றத்தை ஒப்புக் கொண்ட நிலையில், நூருல் நூர் ஷாஹிரா குற்றச்சாட்டை மறுத்துள்ளார்.
இவ்வழக்கில் இருவருக்கும் தலா 8 ஆயிரம் ரிங்கிட் பிணை வழங்கிய நீதிமன்றம், மாதந்தோறும் அருகிலுள்ள போலீஸ் நிலையத்தில் ஆஜராக வேண்டும் என்றும் உத்தரவிட்டது.
