மத்திய கிழக்கில் நிலவும் மோதல் சூழலைத் தொடர்ந்து, கோலாலம்பூர் அனைத்துலக விமான நிலையத்திலிருந்து சவூதி அரேபியாவின் ஜெட்டாவுக்குச் செல்லும் விமானச் சேவையை பாத்தேக் ஏர் இன்று ரத்து செய்துள்ளது.
பயணிகள் மற்றும் விமானப் பணியாளர்களின் பாதுகாப்பைக் கருத்தில் கொண்டு இந்த முடிவு எடுக்கப்பட்டதாக நிறுவனம் தெரிவித்துள்ளது. பாதிக்கப்பட்ட பயணிகள் அடுத்த விமானத்தில் பயணிக்க ஏற்பாடுகள் செய்யப்பட்டுள்ளன.
இதற்கிடையில், ரியாத்தில் உள்ள கிங் காலிட் அனைத்துலக விமான நிலையம் மீதான தாக்குதலைத் தொடர்ந்து, உம்ரா பயணங்களைத் தற்காலிகமாக ஒத்திவைக்குமாறு மலேசிய வெளியுறவு அமைச்சர் டத்தோ ஸ்ரீ முகமது ஹசான் மலேசியர்களுக்கு அறிவுறுத்தியுள்ளார்.
