புடி ரோன்95 எரிபொருள் மானியத் திட்டத்தின் மூலம் குறைந்த மற்றும் நடுத்தர வருமானம் கொண்ட பி40, எம்40 பிரிவினரே அதிகப் பலனடைந்துள்ளதாக இரண்டாவது நிதியமைச்சர் அமீர் ஹம்ஸா அஸிஸான் தெரிவித்துள்ளார்.
இந்த எரிபொருள் மானியத் திட்டத்தைச் செயல்படுத்தியதன் மூலம், உயர் வருமானம் கொண்ட டி20 பிரிவினரைக் காட்டிலும் பி40 மற்றும் எம்40 குடும்பங்கள் அதிக நன்மைகளைப் பெற்றுள்ளதாக நேர்காணல் ஒன்றில் குறிப்பிட்டுள்ளார்.
அதேவேளையில், பல்வேறு வருமானப் பிரிவினரின் மானிய விலை பெட்ரோல் கொள்முதல் முறைகள் குறித்த தற்போதைய நுகர்வுத் தரவுகளின் அடிப்படையில் இந்த முடிவுக்கு வந்துள்ளதாகவும் அவர் தெரிவித்துள்ளார்.
மேலும், எரிபொருள் வாங்கும் போக்குகளை ஆய்வு செய்வதன் மூலம், எந்த வருமானப் பிரிவினர் இந்த மானியத்தால் அதிகம் பயனடைகின்றனர் என்பதை அரசாங்கத்தால் அடையாளம் காண முடிவதாகவும் அந்த நேர்காணலில் அமீர் ஹம்ஸா அஸிஸான் கூறியுள்ளார்.
