ஈப்போ,ஜன.9
முதியவர் ஒருவர் செலுத்திய கார் ஒன்று, வேகக்கட்டுப்பாட்டை இழந்து எண்ணெய் நிலையத்தில் மோதி விபத்துக்குள்ளானதில் , முகப்பிடத்தில் நின்று கொண்டு இருந்த 30 வயது மாது கால் முறிவுக்கு ஆளானார்.
இச்சம்பவம் இன்று காலை 10.30 மணியளவில் ஈப்போ, தாமான் கன்னிங் என்ற இடத்தில் நிகழ்ந்தது. ஸ்விட்சர்லேன் நாட்டைச் சேர்ந்த 77 வயது முதியவர் செலுத்திய பெரோடுவா மைவி கார், நிறுத்தி வைக்கப்பட்டு இருந்த ஒரு மோட்டார் சைக்கிளையும் மோதித் தள்ளியதாக ஈப்போ மாவட்ட போலீஸ் தலைவர் ஏசிபி யஹாயா ஹாஸ்ஸான் தெரிவித்தார்.
