முன்னாள் பிரதமர் டத்தோ ஸ்ரீ நஜிப் ரஸாக் செலுத்த வேண்டிய அபராதத் தொகைக்காக பொதுமக்களிடம் மேற்கொள்ளப்பட்டு வரும் நிதி திரட்டும் முயற்சி இன்னும் இலக்கை எட்டவில்லை என அம்னோ பொதுச் செயலாளர் டத்தோ டாக்டர் அஷ்ராஃப் வாஜ்டி டுசுக்கி தெரிவித்துள்ளார்.
இருப்பினும், பொதுமக்களின் நன்கொடைகள் தொடர்ந்து கிடைத்து வருவதாகவும், நாள்தோறும் சராசரியாக 5 ஆயிரம் முதல் 10 ஆயிரம் ரிங்கிட் வரை வசூலாவதாகவும் அவர் கூறினார்.
ஒரு ரிங்கிட், 5 ரிங்கிட், 10 ரிங்கிட் எனச் சிறிய தொகைகளைக்கூட பல்வேறு தரப்பினர் வழங்கி வருவதாகவும் குறிப்பிட்டார்.
இன்று அலோர் காஜா, டுரியான் துங்கால் சட்டமன்றத் தொகுதியில் நடைபெற்ற நிகழ்ச்சிக்குப் பின்னர் செய்தியாளர்களிடம் அவர் இதனைத் தெரிவித்தார்.
