- ஒரு கோடியே 60 லட்சம் சந்தாதாரர்களுக்கு 5.5 விழுக்காடு லாப ஈவு
கோலாலம்பூர், மார்ச் 3 -
தொழிலாளர் சேமநிதி வாரியமான EPF, 2023 ஆம் ஆண்டுக்கான லாப ஈவுத் தொகையை இன்று அறிவித்தது. நாடு முழுவதும் உள்ள தனது ஒரு கோடியே 60 லட்சம் சந்தாதாரர்களுக்கு 2023 ஆம் ஆண்டுக்கான லாப ஈவுத் தொகையாக 5.5 விழுக்காடு வழங்கப்படுவதாக அந்த வாரியம் பிரகடனம் செய்தது. கடந்த 5 ஆண்டுகளில் வழங்கப்பட்ட லாப ஈவுத் தொகையில் இதுவே கூடுதலாகும்.
கடந்த 2022 ஆம் ஆண்டில் 5.3 விழுக்காடு லாப ஈவுத் தொகையை EPF அறிவித்து இருந்தது. கடந்த ஆண்டிற்கான லாப ஈவுத் தொகையாக 5.5 விழுக்காடு பிரகடன்படுத்துவது மூலம் நாடு முழுவதும் உள்ள தனது சந்தாதாரர்களுக்கு லாப ஈவுத் தொகையாக 5 ஆயிரத்து 30 கோடி வெள்ளித் தொகையை அவர்களின் EPF கணக்கில் வரவு வைக்கவிருக்கிறது.
கடந்த பத்து ஆண்டு காலமாக மாறுப்பட்ட விழுக்காட்டு அளவில் லாப ஈவுத் தொகையை அறிவித்து வந்த EPF வாரியம், இம்முறை 5.5 விழுக்காடு லாப ஈவுத் தொகையை அறிவித்து இருப்பது, தொழிலாளர்களின் அந்திம கால சேமிப்பை கையாளும் அந்த வாரியத்தின் கடந்த ஆண்டு அந்நிய முதலீட்டு செயல்திறனை வெளிப்படுத்தியுள்ளது.
தனது மொத்த சொத்துக்களில் 38 விழுக்காட்டு பங்களிப்புத் தொகையை அந்நிய முதலீடுகள் வழங்கியுள்ளதாக EPF வாரியம் அறிவித்துள்ளது.
