Nov 21, 2026
Thisaigal NewsYouTube

மாலாக்காவில் வெள்ள பாதிப்பு சீரடைந்தது: நிவாரண மையங்களில் 12 குடும்பங்கள் தங்க வைக்கப்பட்டுள்ளனர்

திசைகள் செய்திப்பிரிவு
Share:
மாலாக்காவில் வெள்ள  பாதிப்பு சீரடைந்தது: நிவாரண மையங்களில் 12 குடும்பங்கள் தங்க வைக்கப்பட்டுள்ளனர்

மலாக்கா மாநிலத்தில் வெள்ள பாதிப்பு தொடர்ந்து சீரடைந்து வரும் நிலையில், இன்று காலை 8 மணி நிலவரப்படி தற்காலிக நிவாரண மையங்களில் 12 குடும்பங்களைச் சேர்ந்த 47 பேர் தங்க வைக்கப்பட்டுள்ளனர்.

நேற்று மாலை 5 மணி நிலவரப்படி 266 குடும்பங்களைச் சேர்ந்த 800 பேர் நிவாரண மையங்களில் தங்கியிருந்த நிலையில், தற்போது அந்த எண்ணிக்கை கணிசமாகக் குறைந்துள்ளது.

தற்போது எஞ்சியுள்ள பாதிக்கப்பட்டவர்கள் அலோர் காஜா மற்றும் ஜாசின் மாவட்டங்களில் செயல்பட்டு வரும் இரண்டு நிவாரண மையங்களில் தங்க வைக்கப்பட்டுள்ளனர்.

மேலும், மலாக்கா தெங்கா மாவட்டத்தில் செயல்பட்டு வந்த நான்கு நிவாரண மையங்களும் நேற்று மூடப்பட்டதால், அங்கு தங்கியிருந்த அனைத்து வெள்ளத்தால் பாதிக்கப்பட்டவர்களும் தங்களது வீடுகளுக்குத் திரும்பியுள்ளனர்.

நிவாரண மையங்களில் தற்போது தங்கியிருப்பவர்களில் 40 பெரியவர்கள், 5 குழந்தைகள் மற்றும் 2 கைக்குழந்தைகள் அடங்குவதாக அதிகாரப்பூர்வ தகவலில் தெரிவிக்கப்பட்டுள்ளது.

இந்த செய்தியை பகிருங்கள்

Share this story with your friends and family

தொடர்புடைய செய்திகள்/ Related News

View all in தற்போதைய செய்திகள் →