புத்ராஜெயா,செப்டம்பர் 02-
தென்கொரியா தலைநகர் Seoul ( சோல் )- க்கு புறப்பட்ட மலேசிய ஏர்லைன்ஸ் விமான நிறுவனத்திற்கு சொந்தமான MH66 விமானம், மீண்டும் கோலாலம்பூர் அனைத்துலக விமான நிலையத்திற்கே திரும்பியது தொடர்பில் அந்த தேசிய விமான நிறுவனத்தின் அறிக்கைக்காக போக்குவரத்து அமைச்சு காத்திருக்கிறது என்று அதன் அமைச்சர் அந்தோணி லோக் தெரிவித்தார்..
நேற்று இரவு 11.30 மணிக்கு புறப்படுவதற்கு அட்டவணையிட்டப்பட்டு இருந்த அந்த மலேசிய ஏர்லைன்ஸ விமானம், காலதாமதாக பின்னிரவு 12.01 மணிக்கு புறப்பட்ட நிலையில் சிறிது நேரத்தில், அது மீண்டும் கோலாலம்பூருக்கே திருப்பப்பட்டது.
MH66 விமானம், கோலாலம்பூருக்கு திருப்பப்பட்டது குறித்து விளக்கம் கேட்டு, மலேசிய ஏலைன்சுடன் தாம் தொடர்பு கொண்டுள்ளதாக அந்தோணி லோக் குறிப்பிட்டார்.
