பெர்சாத்து கட்சியின் முன்னாள் தலைவர்களில் ஒருவரும், சமூகச் செயற்பாட்டாளருமான பட்ருல் ஹிஷாம் ஷாஹாரின் என்ற செக்குபார்ட் மாமன்னரின் நற்பெயருக்குக் களங்கம் விளைவிக்கும் வகையில் கருத்து தெரிவித்த குற்றத்திற்காக நான்கு மாதச் சிறைத்தண்டனை விதிக்கப்பட்டுள்ளது.
கோலாலம்பூர் செஷன்ஸ் நீதிமன்ற நீதிபதி நோர்மா இஸ்மாயில் இந்தத் தண்டனையை விதித்ததாக வழக்கறிஞர் ரஃபிக் ரஷிட் அலி தெரிவித்தார். எனினும், உயர் நீதிமன்றத்தில் மேல்முறையீடு செய்யும் வரை தண்டனையை நிறுத்திவைக்க நீதிமன்றம் அனுமதி வழங்கியுள்ளது. அவரது பிணைத்தொகையும் 5,000 ரிங்கிட்டாக உயர்த்தப்பட்டுள்ளது.
47 வயதான பட்ருல், 2024 ஜனவரி 22ஆம் தேதி வெளியிட்ட கருத்துகள் தொடர்பாக அதே ஆண்டு ஏப்ரல் 29ஆம் தேதி குற்றஞ்சாட்டப்பட்டார். 2025ஆம் ஆண்டு அவர் விடுவிக்கப்பட்ட நிலையில், இந்த ஆண்டு உயர் நீதிமன்றம் அவரைத் தற்காப்பு வாதம் புரிய உத்தரவிட்டது.
