கோலா காங்சார், ஜூலை 8-
பாஸ் கட்சியின் தலைவர் அப்துல் ஹாடி அவாங், தலைவராக இருக்கும் வரையில் அந்த கட்சியுடன் அம்னோ எந்தவொரு ஒட்டுறவையும் கொண்டு இருக்காது என்று அதன் தலைவர் டத்தோஸ்ரீ அகமட் ஜாஹிட் ஹமிடி இன்று திட்டவட்டமாக தெரிவித்துள்ளார்.
அந்த மதவாத கட்சித் தலைவர் தலைமையிலான பாஸ்ஸுடன் முன்பு அம்னோ கொண்டிருந்த ஒத்துழைப்பு மற்றும் உறவின் அடிப்படையில் அம்னோ இந்த முடிவை எடுத்துள்ளதாக துணைப்பிரதமருமான அகமட் ஜாஹிட் இதனை குறிப்பிட்டார்.
அம்னோவுக்கும், பாஸ் கட்சிக்கும் இடையே பல்வேறு விவகாரங்களில் கூட்டு முடிவு எடுக்கப்பட்டன. ஆனால், அந்த கட்சியினால் அதனை நிலைநிறுத்திக்கொள்ள முடியவில்லை என்று அகமட் ஜாஹிட் தெரிவித்தார்.
இன்று இணைக்கம் காணப்பட்ட முடிவை மறுநாளே மாற்றிக்கொள்ளக்கூடிய தலைவராக ஹாடி அவாங் பார்க்கப்படுகிறார். எனவே அந்த கட்சியின் தலைவராக ஹாடி அவாங் இருக்கும் வரையில் கூட்டு ஒத்துழைப்ஙுப என்பது அறவே கிடையாது என்று அகமட் ஜாஹிட் குறிப்பிட்டார்.
