மூடா குறித்து விவாதிக்கப்படவில்லை

பகாத்தான் ஹரப்பானில் ஓர் உறுப்புக் கட்சியாக மூடாவை சேர்த்துக் கொள்வது தொடர்பான விண்ணப்பம் குறித்து, அக்கூட்டணி இன்னும் விவாதிக்கவில்லை என்று ஜ.செ.கா பொதுச் செயலாளர் ஆண்டனி லோக் தெரிவித்துள்ளார்.

அதே வேளையில், வரும் ஹரி ராயா பெருநாளுக்குப் பிறகு, மூடா கட்சியின் விவகாரம் குறித்து விவாதிக்ககூடிய சாத்தியம் இருப்பதாக ஆண்டனி லோக் கோடி காட்டினார்.

மூடாவை ஓர் உறுப்புக் கட்சியாக சேர்த்துக் கொள்ள முடியுமா? முடியாதா? என்பது குறித்து விரைந்து முடிவு செய்யுமாறு அக்கட்சியின் தலைவர் சைத் சாடிக் அப்துல் ரஹ்மான் விடுத்துள்ள கோரிக்கை தொடர்பில் ஆண்டனி லோக் பதிலளித்தார்.