Nov 21, 2026
Thisaigal NewsYouTube

எம்.எச்.370 தேடுதல் பணி: ஓஷன் இன்ஃபினிட்டி நிறுவனத்துடனான ஒப்பந்தத்தை நீட்டித்தது அரசாங்கம்

திசைகள் செய்திப்பிரிவு
Share:
எம்.எச்.370 தேடுதல் பணி: ஓஷன் இன்ஃபினிட்டி நிறுவனத்துடனான ஒப்பந்தத்தை நீட்டித்தது அரசாங்கம்

காணாமல் போன மலேசியா ஏர்லைன்ஸ் எம்.எச்.370 விமானத்தைத் தேடும் பணியை மேலும் 12 மாதங்களுக்கு நீட்டிக்க அமைச்சரவை ஒப்புதல் அளித்துள்ளது. வரும் ஜூலை 1 முதல் அடுத்த ஆண்டு ஜூன் 30 வரை இந்த ஒப்பந்தம் நீட்டிக்கப்பட்டுள்ளதாகப் போக்குவரத்து அமைச்சர் அந்தோனி லோக் தெரிவித்துள்ளார்.

பயணிகளின் குடும்பங்களுக்குத் தீர்வு காணும் நோக்கில் இந்த முடிவு எடுக்கப்பட்டுள்ளது. தற்போதைய ஒப்பந்தத்தின்படி 'விமானம் கிடைத்தால் மட்டுமே கட்டணம்' என்ற நிபந்தனை தொடர்கிறது. விமானத்தின் சிதிலங்கள் வெற்றிகரமாகக் கண்டறியப்பட்டால் மட்டுமே, ஓஷன் இன்ஃபினிட்டி நிறுவனத்திற்கு 70 மில்லியன் அமெரிக்க டாலர் செலுத்தப்படும்.

எஞ்சியிருக்கும் 7,428 சதுர கிலோமீட்டர் பரப்பளவைத் தேடி முடிக்கவும், கடலின் சாதகமான வானிலையைக் கணக்கில் கொண்டும் இந்த கால நீட்டிப்பு வழங்கப்பட்டுள்ளது. கடந்த 2014-ஆம் ஆண்டு மார்ச் 8-ஆம் தேதி, 239 பயணிகளுடன் கோலாலம்பூரில் இருந்து பெய்ஜிங் சென்ற இந்த விமானம் இந்தியப் பெருங்கடலில் காணாமல் போனது குறிப்பிடத்தக்கது.

இந்த செய்தியை பகிருங்கள்

Share this story with your friends and family

தொடர்புடைய செய்திகள்/ Related News

View all in தற்போதைய செய்திகள் →