பிரதமர் டத்தோஸ்ரீ அன்வார் இப்ராஹிமின், சீர்திருத்தங்கள் மிக தாமதமாக அமல்படுத்தி வருகிறார். எனவே நாட்டின் தலைமைப் பொறுப்பை ஏற்பதற்கு முன்னதாக டத்தோஸ்ரீ அன்வார் அளித்துள்ள வாக்குறுதிகள் தொடர்பில் தேர்தல் சீர்திருத்த அமைப்பான பெர்சிஹ், கேள்வி எழுப்பும் வகையில் வீதிப் போராட்டத்தை முன்னெடுப்பதற்கு நியாயமான காரணங்கள் உண்டு என்று பிகேஆர் கட்சியின் பாசிர் குடாங் எம்.பி. ஹாஸ்ஸான் கரிம் தெரிவித்துள்ளார்.
பிரதமர் டத்தோஸ்ரீ அன்வார் தலைமையிலான அரசாங்கத்தின் மீது மக்கள் மிகுந்த ஏமாற்றத்தை கொண்டுள்ளனர். அவர்கள் தற்போது அதிருப்தியில் உழன்று வருகின்றனர் என்பதால் அன்வார் அளித்துள்ள வாக்குறுதிகளை நிறைவேற்ற வேண்டும் என்று கோரி, பெர்சிஹ்இந்த வீதிப் போராட்டத்தை முன்னெடுக்கிறது என்று தாம் நம்புவதாக ஹாஸ்ஸான் கரிம் குறிப்பிட்டார்.
பிரதமர் அன்வார் அரசாங்கத்திற்கு எதிராக வீதிப் போராட்டத்தை முன்னெடுக்கப் போவதாக பெர்சிஹ் அறிவித்து இருப்பது தொடர்பில் அந்த பிகேஆர் எம்.பி. மேற்கண்டவாறு கருத்துரைத்துள்ளார்.
