ஜோகூர் மாநிலத்தின் 16-ஆவது சட்டமன்றத் தேர்தலுக்கான பாஸ் கட்சியின் தேர்தல் இயக்குநராக, அக்கட்சியின் மத்திய செயற்குழு உறுப்பினர் தன் ஸ்ரீ அன்னுவார் மூசா நியமிக்கப்பட்டுள்ளார்
விரைவில் நடைபெறவிருக்கும் மாநிலத் தேர்தலை எதிர்கொள்ளும் வகையில், கட்சியின் தேர்தல் இயந்திரத்தைப் பலப்படுத்துவதை நோக்கமாகக் கொண்டு இந்த நியமனம் செய்யப்பட்டுள்ளதாக ஜோகூர் பாஸ் தகவல் தொடர்புத் தலைவர் முகமட் பிர்தாஸ் ஜாபர் இன்று வெளியிட்டுள்ள அறிக்கையில் தெரிவித்துள்ளார்.
அன்னுவார் மூசாவின் பரந்த அரசியல் அனுபவமும் தலைமைத்துவமும் தேர்தல் பணிகளை ஒருங்கிணைக்க பெரிதும் உதவும் என நம்பிக்கை தெரிவித்துள்ள அவர், கட்சியின் அடிமட்டத் தொண்டர்கள் அனைவரும் தங்களின் தேர்தல் முன்னேற்பாடுகளில் தீவிர கவனம் செலுத்த வேண்டும் எனக் கேட்டுக்கொண்டுள்ளார்.
