ஈப்போவில் ஆபத்தான முறையில் காரை ஓட்டிச் சென்ற ஓட்டுநர் ஒருவர், வாகனங்களுக்கு இடையே வேகமாக முந்திச் சென்று பின்னர் சாலையின் நடுப்பகுதியில் இருந்த தடுப்புச் சுவரில் மோதி விபத்துக்குள்ளான காணொளி சமூக வலைத்தளங்களில் பரவி வருகிறது.
வெள்ளை நிற செடான் கார், மற்ற வாகனங்களுக்கு இடையே புகுந்து முந்திச் செல்ல முயன்றபோது கட்டுப்பாட்டை இழந்து தடுப்புச் சுவரில் மோதியதாகத் தெரிவிக்கப்பட்டுள்ளது.
மோதலின் தாக்கத்தில் காரின் டயர்களில் இருந்து புகை வெளியேறியது. சம்பவத்தின்போது அப்பகுதியில் மோட்டார் சைக்கிளோட்டிகள் இருந்திருந்தால், நிலைமை மேலும் ஆபத்தாகியிருக்கும் என காணொளியைப் பகிர்ந்தவர் கவலை தெரிவித்துள்ளார்.
இந்த ஆபத்தான வாகன ஓட்டத்துக்கு சமூக வலைத்தளப் பயனர்கள் கடும் கண்டனம் தெரிவித்துள்ளனர்.
