செரம்பான் , ஜூலை 02-
போதைப்பொருளை கடத்தியதாக நம்ப்படும் ஒரு காதல் ஜோடியினரை போலீசார் கைது செய்துள்ளனர். நேற்று இரவு 10 மணியளவில் நெகிரி செம்பிலான், நீலாயில் ஓர் ஆடம்பர அடுக்குமாடி வீட்டில் OP TAPIS என்ற பெயரில் மேற்கொள்ளப்பட்ட சோதனை நடவடிக்கையில் அந்த காதல் ஜோடியினர் பிடிபட்டனர்.
25 மற்றும் 31 வயதுடைய அந்த ஆணையும் பெண்ணையும் கைது செய்தது மூலம் போலீசார், 83 ஆயிரத்து 930 வெள்ளி மதிப்புள்ள 794.65 கிராம் Ketamin போதைப்பொருளை பறிமுதல் செய்தனர் என்று நீலாய் மாவட்ட போலீஸ் தலைவர் கண்காணிப்பாளர் அப்துல் மாலிக் ஹாசிம் தெரிவித்தார்.
தவிர, அந்த காதல் ஜோடியினரிடமிருந்து 40 ஆயிரம் வெள்ளி பெறுமானமுள்ள ஹோண்டா அக்கார்டு கார், 80 ஆயிரம் வெள்ளி ரொக்கம் மற்றும் ஒரு லட்சத்து 90 ஆயிரம் வெள்ளி மதிப்புள்ள இரண்டு Rolex கைக்கடிகாரங்கள் பறிமுதல் செய்யப்பட்டதாக அப்துல் மாலிக் குறிப்பிட்டார்.
